gogg-lending

Nýr leikvöllur á Borg

admin@stefna.is (Stefna Hugbúnaðarhús) — Fri, 22 Sep 2023 16:42:45 GMT

Meira fyrir börnin

Fyrr í sumar var framkvæmdum á nýjum leikvelli við Hraunbraut á Borg í Grímsnesi lokið.

Settur var upp fjöldi nýrra leiktækja, sem dæmi má nefna rólur, klifurgrind og rennibraut en það er nýja aparólan sem skarar fram úr meðal krakkanna.

Framkvæmd leikvallarins var samstarf Fossvéla, Grjótgás og Jóhanns Helga & Co. en það var Hermann Ólafsson, landslagsarkitekt hjá Landhönnun, sem hannaði hann og vill sveitarfélagið þakka fyrir vönduð vinnubrögð allra sem komu að verkinu.

Verkið er hluti af fjölda spennandi verkefna við opin svæði á Borg í Grímsnesi sem haldið verður áfram næstu ár. Leikvöllurinn er frábær viðbót við Borgarsvæðið og er hann opinn öllum.

Fyrr í sumar var framkvæmdum á nýjum leikvelli við Hraunbraut á Borg í Grímsnesi lokið.

Sólheimar

Tue, 12 Mar 2019 16:48:38 GMT

Sólheimar er einstakt samfélag þar sem búa og starfa rúmlega 100 manns saman. Íbúar Sólheima leggja metnað sinn í að taka vel á móti gestum og eru allir velkomnir í heimsókn.

N64° 4' 0.335" W20° 38' 35.712"

Mikil uppbygging á Borg í Grímsnes- og Grafningshreppi

admin@stefna.is (Stefna Hugbúnaðarhús) — Tue, 12 Mar 2019 16:47:17 GMT

Mikil uppbygging

Síðastliðin tvö ár hefur sveitarstjórn Grímsnes- og Grafningshrepps úthlutað lóðum til íbúðabygginga í þéttbýliskjarnanum á Borg, öllum þeim lóðum sem voru tilbúnar hefur verið úthlutað. Lóðirnar sem um ræðir eru ætlaðar undir 7 einbýlishús, 8 parhús og 3 raðhús.

Eins og sjá má á meðfylgjandi myndum er mikið að gerast og uppbygging hafin á flestum lóðum. Líkur eru á að íbúafjöldi í þéttbýliskjarnanum tvöfaldist því á næstu mánuðum þegar íbúðirnar fyllast af nýjum íbúum. Mikill hraði einkennir uppbygginguna sem nú á sér stað eins og sjá má á meðfylgjandi myndum.

Borg í ágúst 2022